الاغلب لما بيسمع اسم فايرس بيجيله رعب وميعرفش ايه هو الفايرس ده :D طيب هعرفك ايه الفايرس ده اللى بيصيب الكمبيوتر او الموبايل او اي جهاز :]
الفايرس ده بيتكون من اكواد برمجية بيتم برمجته من قبل شركة او شخص لاتمام مهمة معينة وفي الاغلب بيكون لهدف التخريب لصالح الشركة او الشخص ليأتي الضحايا لاصلاح الاجهزة المصابة مثلا الخاصة بهم.. او يقوم المستفاد ببرمجة برنامج انتي فايرس وبيكون واضع في البرنامج اللى انشأه القيم اللى بتدل علي ان ده فايرس او بالاصح القيم اللى المبرمج مبرمج الفايرس بيها او القيم اللى بتشابه الفايرس ده او القيم اللى بتتطابق يعني مثلا shell explorer :D الامر ده بيظهرلك كتير في بعض برامج الحماية وده بيدل علي ان الملف بيؤدي الي اختراق الجهاز او حقن المتصفح (انترنت اكسبلورر) اللي بينزل مع اي ويندوز ومبيتحذفش ليه الانتي فايرس ظهرلك الكلمتين دول ؟ لانه قرأ قيم الفايرس وقارنها بالقيم اللى موجوده في الـ database الخاصة بالبرنامج او الموقع وده بيبقي من اشخاص لان الشركات بتستخدم تقنيات أقوي من الحقن في التصفح .. والهدف عشان يقدر يشهر برنامجه الانتي فايرس او ينافس شركات الحماية الاخري علي انه قوي وجبار وبيقضي علي الفيروسات زي ماقولت ان الشركات اللى بتبرمج الفيروسات احيانا ليستفادوا .. وده مش دايما ولكن اغلب كدا وعالم الفيروسات بيختلف من اهدافها حسب ذكاء المبرمج او الهدف اللى عايز يحققه انواع الفيروسات فيه بيكون هدفه لاختراق الجهاز وبيسمي سيرفر او خادم او باك دور او دودة انتشار عبر الشبكة وفيه بيختررق الموبايل وطبعا كل فايرس بيتم برمجته بلغة اللى بتدعم نظام التشغيل اللى عايز تصيبه بيه يعني مثلا لو عايز فايرس علي الموبايل يبقي تبرمج بالجافا لو عايز للكمبيوتر او اللاب يبقي بc++ وهكذا فيروسات الاختراق بيكون هدفها التحكم في الجهاز وفتح الكاميرا او ما شابه والتجسس وسرقة البيانات او الاموال وفيه فايرس تشفير الملفات وده من اخطر الفيروسات الي الان لو اصيب جهازك بيه بيتم تشفير الهارد كامل ولا يمكن استرجاع الملفات او البيانات الا بدفع المال لصاحبه .. يضع لك فورم للتوصل بالمال عبر مدة زمنية يحددها لك المستفيد ويسمي بفايرس الفدية او بيتيا :] وبتختلف ميكانيكية عملها من مبرمج لاخر ومن نظام لاخر ومن هدف لاخر والفيروسات بتندرج للحرب الالكترونية ..
فيه فيروسات اخطر زي الفايروس اللى وقف المفاعل الننوي في ايران من سنييين وكان هيؤدي الى انفجاار النووي في ايران ولكن قاموا بوقف مفعوله حتي لا ينقلب عليهم وبإختصار الفايرس يقوم بتطبيق اوامر برمجية اعطيت له لهدف او لاخر وللحماية من اي فايرس خطير تقوم الشركات الكبري او بعض محترفي امن المعلومات بعمل هندسة عكسية للفايرس اي يعلموا ميكانيكية عمل الفايرس ثم يتم فك تشفيره وايقافه عن طريق اوامر اخري وبكدا نكون انتهينا واسف علي الاطالة وعلي الاندماج باللغة العامية مع العربية XD .
وشكرا :D
تعليقات
إرسال تعليق