كل ما تحتاجه عن العمل الحر من المنزل الـ Freelancing

كل ما تحتاجه عن العمل من المنزل او علي الانترنت الـ Freelancing ودخل شهري يصل فوق الالف دولار ويمكن تحصل عليها في يوم حسب تعبك ..
مش معني انك ممعكش شهاده دراسية يبقي فاتك القطار لا لما تقرأ البوست ده هتعرف ان القطار لسه ممشيش 
طريقك نحو العمل والربح من الانترنت 

ازاي تكون (freelancer)
اولا عشان تربح من النت عايز ايه طبعا مفيش حاجة اسمها ربح ولكن فيه حاجة اسمها عمل عشان تربح من العمل ده لزم تتعب وهتلاقي فلوس فوق الوصف بس طبعا مش هتيجي من الشارع علي الكمبيوتر وتيجي تشتغل علي النت لا لازم قبلها تتعلم فيه حاجة اسمها كورسات او دورات عشان تقدر تقدم خدمة كويسة وتربح منها
طيب ايه المطلوب بقي عشان اقدر اشتغل واربح برضو.. المطلوب انك تركز علي مجال معين تركيز جااامد جدا وتكون بتحبه عشان تعرف تكمل فيه وتقدر تتطور فيه لان عيبي برضو ان انا داخل في كل حاجة وباخد افكار عن كل حاجة عشان كدا مش هتلاقيني محترف في تخصصات لكن اقدر افهم فيها بس.. بس مش بتعمق ولكن عشان انا سنين في النت ركزت علي حجات اتعمقت فيها ولحقت نفسي.. فانا بقولك متدخلش في كل حاجة وركز علي مجال واحد بس زي مثلا مجال الديزاينر (التصميم) لو ركزت عليه واحترفته هتدخل اي موقع فريلانسر هتلاقي طلبات كتييير وبالدوولارات وزي ايه تاني ممكن تصميم مواقع مش لزم في كل اللغات ممكن تاخد اسهل لغتين زي اللغات التنسيقية html + css واتعمق فيهم هتكسب برضو
وموقع الزيرو اسكول
http://elzero.info/learning-paths/web-designer/
من احسن الناس اللي بتشرحها واغلب الناس متعلمين منه ومنسق لما تخلص اي لغة بيجيبلك تطبيقات كاملة بعديها عشان تحترفها برضو
وعندك مثلا ممكن لغات برمجة التطبيقات او الاندرويد او البرامج زي . Net وبرضو مش لزم برمجة ممكن تركز علي اي حاجة بس تحترفها عندك زي مثلا MS Office  .. وبكدا اضمنلك دخل يومي ممكن تتخطي الالف دولار وممكن برضو مش لزم تقبض يوميا ممكن متجبهمش في اسبوع بس بتبقي نصيب بقي المهم هتعدي هتعدي بعد كدا والله
طيب عندك مواقع زي ايه للعمل عليها
الاول قبل ما تدخل الموقع تشوف شروحات واساسيات للموقع علي اليوتيوب عشان لما تدخل تعرف تتعامل طيب الحاجة المهمة بقي انك تتعلم ولو نص نص في اللغة الانجليزية لانك في الاغلب هتتعامل مع اجانب فلازم تفهم العميل عشان تقدر تعمله الطلب وممكن كلمه تغير الطلب كله 

عندك الخدمات المصغرة زي موقع خمسات العربي الخدمة ب 5$ خدمات زي الكتابة ع الوورد - الترجمة - التصميم - البرمجة - استشارة
https://khamsat.com/
وده موقع عربي برضو شبيه بخمسات
www.ikhedmah.com
وده موقع عربي برده بتقدم خدمات معينة لشركات او ممكن لـ فرد.. عليه خدمات مصغرة انت ممكن تقدمها زى (تصميم وخدمات وبرمجة وترجمة واستشارات)
https://mostaql.com/
وموقع Fiverr الاجنبي 

ww.fiverr.com
وده موقع رائع جدا 
www.elance.com
ودة موقع للمصممين
http://99designs.com/
ودة موقع لترجمة المقالات
http://ar.onehourtranslation.com/

وعندك
بقي الخدمات الكبيرة
عندك مواقع زي..

www.freelancer.com

www.guru.com

www.upwork.com

www.odesk.com

www.elance.com

www.jobs.smashingmagazine.com 

 www.freelanced.Com

www.ifreelance.com 

 www.peopleperhour.com
----------------------------------------------------
وطبعا اهم حاجة هي المصداقية مع العميل 

وتتأكد من التقييمات ليه طبعا واتأكد من تقيمات نفسك برضو هههههههه يعني اوعي تنصب علي حد عشان هتترزع تقييم محترم هيأثر عليك في المستقبل وعلي ربحك وكفاية بس ان فلوسك تبقي حرام وربنا مش مباركلك فيها دا ازا العميل اداك فلوس اصلا..
المهم

فيه بقي المصدر الاكبر للربح وهي Google adsense
https://www.google.com/adsense
التابعة لشركة جوجل ودي الكل بيستخدمها كمصدر للربح طيب بتعمل ايه الشركة دي؟ بتعرض اعلانات طيب ازاي اتعامل معاها اول حاجة بتسجل في ادسنس وتكتب بياناتك صحيحة وكود البريد عشان هيوصلك حاجة اسمها بن كود بعد 10 دولار هيوصلوا علي البريد والبريد هيجيبلك للبيت.. بعد ما نشأت حساب ادسنس ببيانات حقيقية بتنشئ مدونة مجانية تابعة لجوجل وترقيها ل اي دومين او استضافة. Tk مجانية او. Com مدفوعة وتعرض بقي علي مدونتك دي او موقع الاعلانات اللي هتعرضها ادسنس عندك وكل الف واحد عربي بيدخل موقعك هيجيلك 1 دولار بحاله ولو جالك واحد اجنبي بقي بشطارته ممكن يجيلك من وراه لوحده 1 دولار او اقل دايما العرب سمعتهم سبقاهم

طيب وممكن تعرض علي قناتك اليوتيوب (فيديوهاتك)
https://www.youtube.com/
عشان تنشئ قناه يوتيوب جديدة عشان تشتغل عليها هتدخل لليوتيوب وتضغط علي تسجيل دخول وتدخل ايميلك الجيميل والباسورد بس لان اليوتيوب تبع جوجل اصلا فمش محتاج تسجل ولو معندكش ايميل جيميل هتسجل جديد من هنا
https://accounts.google.com/SignUp
طيب ازاي تشتغل علي اليوتيوب..
نفس الكلام برضو ونفس المشاهده بنفس النسبة بس لزم تكون الفيديوهات انت اللي عاملها وطبعا متقولش ان 1 دولار قليلة ومش هتعرف تجيب الالف مشاهد طبعا بعد تعب هتجيبهم مليون باللعب بال SEO او بالكلمات المفتاحية وحجات كدا متركزش عليها دلوقت وطبعا فلوس ادسنس بتجيلك علي بنك ويسترن يونيون وده في اي بلد بدون ولا فيزا ولا اي حاجه بتاخد رقم من ادسنس بس وتديه للبنك ده هيقبضوك بالدولار كمان والف مبروك كسبت دولار ان شاء الله مع الزمن هيوصلوا الف دولار للفيديو انا اعرف ناس وصلت لكدا والله بس بعد سنين تعب .. وطبعا اهو احسن من اللي بيشتغل طول عمره في الشمس وبتعب وعذاب والآخر ممكن ميوصلش لمرتب الف جنيه ربنا يسعد الجميع.. والالف دولار دلوقت ب19 او 20 الف مصري تقريبا وشوف بقي لما تربح من الاعلانات بس علي فيديو مبلغ زي ده ما بالك لو عملت الف فيديو ودخلك اجانب بس ابقي اتكلم هندي عشان يفهموك غير طبعاا المواقع اللي قولت عليها في الاول دي لواحدها حكاية بس طبعا كل ده بعد تعب زي ما قولت هتتعب شوية هتلاقي وربنا مبيضيعش تعب حد
ملحوظة مهمة :تجنبوا التسويق الشبكي او الهرمي لانه نصب...
وفيه المصدر التاني بعد ادسنس اللي هو مواقع اختصار الروابط : .. طيب نعرف نظام تشغيلها اللي بيحصل اني مثلا اروح اسجل في موقع اختصار الروابط ده واربطه بفيزا اللي هيجيلي عليها فلوس طيب هتجيلي مقابل ايه مقابل ان الناس اللي هدخلها الرابط عشان تحمل ليا فيديو او برنامج مثلا ولكن قبل ما يحملوا هيظهرلهم اعلانات كتير كدا لمدة 5 ثواني مثلا وبتضغط علي Skip Ads لتخطيها طبعا هيدولك نسبة علي كام شخص دخل يعني مثلا الف شخص شاف الاعلان او دخل بتاخد دولار اما لو صفحة تليفيزيونية او صفحة كبيرة بيدخلها ناس كتير لو نشرت رابط اختصار الروابط في الصفحة الكبيرة دي مثلا هيجيلك ارباح كتير من كدا طيب والموقع هيستفاد ايه هيستفاد ان فيه شركات كتير بتتعاقد مع الموقع وبتدفع فلوس للموقع مقابل ان الموقع يعرض اعلاناتها للناس بس مش انصحك باستخدام  موقع ادفلاي او اللي زيه في عرض الإعلانات المزعجة بعد ما اكتشفت الموضوع ان فيه شركات بتستخدم ملفات تجسس اوسحب حاجة اسمها الكوكيز (سجل بحثك) عشان يعرضلك الاعلانات حسب بحثك او ممكن يعرضلك اعلان يغرمك زي اعلان فودافون اللي بيظهر لو دخلت رقمك كل ده بيبقي ف الاعلانات دي زي موقع ادفلاي او غيره وفيه مواقع كتير غير انها بتضايق الزائر ومبتوصلوش للهدف ولكن فيه مواقع كتير برضو بتقوم بنفس الغرض وبدون مشاكل او مضايقات 
طيب ايه المواقع اللي زي دي 
ده موقع من ضمنهم بترفع اي ملف عليه بمقابل مادي  حسب دولة الزائر واقلهم ومن المعروف الدول العربية للاسف طبعا الموقع وبدون اعلانات اجبارية او تحذيرية
https://www.file-upload.cc
طيب المطلوب عشان تحقق كل اللي فوق ده لزم تحقق الشروط اللي تحت دي ...

اولا لزم  تعمل ماستر كارد زي بايونير وباي بال بس طبعا متعملهمش غير لما تلاقي نفسك جاهز للشغل وتجرب تشتغل ببلاش الاول لان Payoneer والبنوك دي بتاخد منك سنويا 25 او 30 دولار وهكذا فلو ملكش مصدر ربح هتدفعهم منين؟ الماستر كارد عشان تقبل عليها الفلوس من الاجانب او عبر العالم وطبعا حساب بايونير بيكسبك برضو 25 دولار علي اي حد يسجل من الرابط بتاعك وبيعطيله برضو ولكن بزم انتم الاتنين تشحنوا علي الاقل 100 دولار فيه عشان يضمنوا انكم هتستخدموه 
وكدا انتهيت من الشرح بفضل الله لو فيه جديد او نسيت حاجة هعمل للبوست تعديل متقلقش ^_^
و ده بقي يا سيدي مفهوم العمل الحر عن طريق الانترنت
وشكرا :]