Make Money with Your Website - تحقيق ارباح ضخمة من موقعك الالكتروني
سر ناس كتير بتخبيه منك في مجال العمل علي الانترنت
والمصدر الاكبر للعمل والربح علي الانترنت وهي الشراكة مع أكبر شركة في العالم وهي Google adsense ..
بإختصار هي شركة تابعة لشركة جوجل ودي أغلب المواقع بتستخدمها كمصدر للدخل طيب بتعمل ايه الشركة دي؟ بتعرض اعلانات علي موقعك الالكتروني يعني انت بتقدم أي خدمة ما وليكن مقالات تعليمية في موقعك فيجيلك زوار يستفادوا من الخدمة دي فجوجل بتعرض اعلاناتها علي موقعك ولو نسبة كبيرة من الناس ضغطت علي الاعلانات اللي معروضة عندك بضغطات غير مقصودة بتحقق أرباح علي كل ضغطة بس طبعاً بتختلف من دولة الزائر لدولة آخري كلما كانوا من الغرب كلما كان العائد أكبر يعني مثلا ضغطة علي اعلان عندك من مصري ممكن توصل لـ 0.04$ وممكن أقل وممكن أكتر ولو أجنبي ممكن 0.40$ وممكن برضو أقل وممكن أكتر والكلام دا لو واحد بس ضغط لكن لو انت دخلك عدد كبير من الزوار يومياً وضغط بالغلط مثلاً 100 شخص بعتقد هتحقق شهرياً مبلغ كبير ..
طيب عشان تسجل في شركة Google Adsense :
تقدر عبر الرابط التالي بس بيطلب شروط أول شرط يكون عندك موقع تابع المقالة للآخر عشان هشرح ازاي تنشئ موقع ..
عشان تنشئ موقع الكتروني علي النت لازم تفهم الأول الموقع دا عبارة عن ايه عبارة عن حاجتين مهمين ..
اول حاجة وهي اسم نطاق Domain Name
وبيكون بالشكل دا مثلاً www.everytechs.com بحيث الزائر يحفظه ويقدر يبحث عنه في جوجل او يكتبه في الـ URL والاسم دا مينفعش يتكرر وبتحجزه سنوي وتقدر تجدده كل سنة أو 3 سنين علي حسب الخطة اللي بتختارها وانت بتشتريه من موقع شراء الدومينات
الحاجة التانية المهمة في الموقع اللي هي الـ Hosting (الاستضافة)
ودي بتأجر مساحة تخزينية في موقع استضافات للمواقع بحيث ملفات موقعك بتتحفظ عليه وتربطه باسم موقعك بحيث لما شخص مثلا يدخل علي لينك everytechs.com يتحول علي ملفات الموقع بتاعك اللي انت مصرح بعرضها او بالخدمة اللي بتقدمها يعني وطبعا كل ما بتشترك بسعر اكبر بيكون ليك صلاحيات أكتر زي المساحة التخزينية وموقعك يتحمل كام ألف زائر في الدقيقة الخ ..
يبقي انت دلوقت عشان تنشئ موقع قدامك حلين ..
(1) بتنشئ مدونة مجانية تابعة لجوجل وترقيها ل اي Domain (اسم نطاق) او استضافة. Tk مجانية او. Com مدفوعة زي منا شرحت فوق دا يعتبر اسم نطاق بفلوس عشان بعده .com لكن المجاني .tk او فيه اكتر من نطاقات مجانية..
طبعاً الطريقة دي مبرشحهاش الا للمبتدئين لان جوجل بتكون متحكمة فيك لو فيه مقالات نقلتها من موقع تاني ممكن المدونة كلها تتقفل وليها مساحة تخزينية صغيرة جداً غير صالحة الا للمقالات وعدد الزوار للمدونة في الدقيقة محدود ولو زاد عن حد معين بيوقف المدونة مؤقتاً لكن لو ناوي تشتغل شركة كبيرة وشغل كبير يبقي تستخدم الطريقة التانية
(2) بتنشئ موقع كامل يعني باسم نطاق + استضافة للملفات الخاصة بالموقع تكون خاصة بيك بس طبعاً اسم موقعك بيكون ليه اشتراك سنوي وكمان استضافة ملفات موقعك بيكون ليه اشتراك سنوي او كل 2 سنة او 3 بس عبر الموقع دا bluehost تقدر تنشئ كل دا في مكان واحد و اسم النطاق مجاني لمدة سنة مع شهادة SSL (Https) مجانية دائماً وتقدر تثبت WordPress بضغطة هتدفع بس اشتراك المساحة التخزينية وسعرها في الشهر $3.95
الموقع ..
Bluehost
وفي النهاية متنساش أهم حاجة اللي هو شكل قالب موقعك (Index) اللي هو شكل تصميم موقعك للزائر ودا بقي مبرمج بيصممهولك علي زوقك أو فيه قوالب بتكون جاهزة تقدر تحملها من النت علي حسب نوع استضافة موقعك يعني ان كان موقعك علي مدونة بلوجر بتكتب في بحث جوجل قوالب بلوجر أو ان كان علي استضافة WordPress أو موقع bluehost
بعد كدا تقدر تعرض بقي علي مدونتك دي او موقعك الاعلانات اللي هتعرضها ادسنس عندك بس بعد مراجعة شركة جوجل لموقعك وموافقتها علي موقعك بانها تناسب نفس شروطها ولو اترفضت بتظبط موقعك وتعمل اعادة مراجعة تاني .. الموضوع مش محتاج انشاء موقع بس الموضوع محتاج شغل يومي بكتابة مقالات وتعب عشان تقدر تحقق أرباح كبيرة ومع الوقت هتلاقي مقالاتك تلقائي بتتأرشف في محرك البحث Google Search وبتظهر بدون تدخل منك وتجيب لك آلالاف الزوار المهتميين بمقالاتك واللي بناءً عليهم هتحقق أرباح كبيرة غير جانبك التسويقي لمقالات وروابط موقعك
طبعاً أنا بفهمك الدنيا عامتاً لكن لو حبيت تتعمق تقدر تبحث عن أي حاجة معينة أنا قولتها وهتوصل ان شاء الله ولو موصلتش لحاجة معينة تقدر تسألني في كومينت وهجاوبك ان شاء الله
ملحوظة : اعلانات جوجل ادسنس بتقدر تعرضها علي قناتك اليوتيوب (فيديوهاتك) بس ليها شروط تانية زي كل القنوات اللي عليها اعلانات كدا وبتحقق أرباح
تعليقات
إرسال تعليق