عشان بس الايام دي ايام اشاعات وحجات مايعلم بيها الا ربناا فيه بعض الاشاعات بتتنشر الايام دي كتير لاخبار زائفة وبتوقع دول وناس للأسف علي نياتها بتنشر من مواقع علي أساس أنها مصدر وفي الغالب بتطلع مواقع أي كلام الهدف منها الربح المادي من كثرة مشاهداتك للاعلانات عليها فيكسب دولارات علي قفاك طيب ازاي تكتشف الموقع الموثوق واللي مش موثوق الي حد ما عشان تبقي صاحب موقع فيه حاجة اسمها اسم نطاق أو Domain Name واللي هو عنوان بيتك علي النت (بيت الموقع) وفي الواقع المفروض بتكون عنوان المواقع ip بالمنظر ده (627.174.953.163) فقالك بدل ماتقعد تحفظ كل ده عشان تدخل مثلا عالفيس بوك قالك لا لزم نسهل علي الناس فاخترعوا محرك بحث Google ومواقع استضافات النطاقات بتتسجل فيها اسم مثلا www.facebook.com هتبقي بدل رقم الip الطويل والصعب دا وبتتحفظ في جوجل كدا عشان لو بحثت في الاسم يفهم ويجيبلك الاي بي دا بدون ماتاخد بالك يعني انا ممكن بدل ما اكتب اسم موقع الفيس بوك في URL فوق في المتصفح ممكن اكتب Ip الفيس بوك وهيفتح نفس الموقع يعني الاسم دا هو اللي بيدلك علي البيت (الموقع نفسه باسضافاته) طيب ابسطها اكتر انت موبايلك يعتبر استضافة  أسماء نطاقات هتقولي ازاي هقولك مش عندك ارقام تليفونات بدل ماتقعد تحفظ كل رقم بتاع مين فبتسميه اسم بحيث يسهل عليك الوصول ليه والاسم دا مينفعش يتكرر عشان ميحصلش تصادم اسماء 😀 واللي يغلب يدخل موقعي 👌طبعاً استضافة المواقع حاجة واللي بقوله عالموبايل حاجة تانية خالص بس انا بشبهلك الصورة وبكدا الصورة اظنها وضحت جدا.. طبعاً خلي بالك ان اي حرف في موقع بيفرق وبيدخلك مكان تاني خالص والهكر بيستغلوا النقطة دي يعني مثلا يسمي موقعه. facebok.com ناقص حرف فانت ممكن متخدش بالك وتدخل وتسجل ايميلك وباسوردك فيروحوا ليه وحسابك عليه العوض فيه فانت ركز المهم قالك نخلي للأسماء دي أولوية من حيث السهولة في الحفظ للمستخدم فكل ماكان الاسم مكون من حروف اقل وسهل الحفظ كل ماكان أفضل و أغلي من حيث السعر هتقولي قصدك اغلي اغلي فلوس يعني؟ اقولك ايوة بالظبط زي زمبؤلك كدا 😂 واللي هتستغربله ان الاسماء دي بتتحجز وبتتباع بآلالاف وملايين الدولارات اه والله أكتر من العقارات كمان بس علي حسب يعني حجات كتير مش هتكلم فيها دلوقت وفيه ناس قاعدة شغالة في كدا بس انها تشتري وتبيع اسماء مواقع زي اللي قاعد يشتري ويبيع عقارات كدا لما تغلي ومن أشهر المواقع اللي بتبيعلك النطاقات دي هي شركة GoDaddy بتقدر تكتب اسم وتشوفه متاح و سعره كام وفيه حد حاصل عليه ولا تقدر تحصل عليه وبيشتريه لمدة شهر اوسنة  او 3 سنين الخ وبتجدده تاني لو حابب.. ماعلينا.. قسموا النطاقات لانواع كتير 

 واللي هي المدفوعة (بفلوس)  

dot (.) (Com - Net -Gov - Org الخ..) 

يعني مثلا لو لاقيت موقع كدا (www.everytechs.com) يبقي دا موقع مدفوع 

لكن فيه مجاني زي.. 

dot (.) (Info - TK -Cf - Gq - Ga - Ml الخ..) 

فانت لما تشوف مواقع آخرها الدومينات دي متدخلهاش عشان أهدافها أحياناً بتكون خبيثة لاختراقك مثلاً أو يكسب من وراها اعلانات فبنصحك متدخلش اي مصدر لموقع الا لو كان مدفوع  واللي الي حد ما صاحبها هيكون صارف عليها شوية فهيحاول ينشر اخبار موثوقة جزئياً بس مش اكيد وبداية الموقع يفضل يكون مكتوب Https مش http عشان دا بروتوكول مشفر ومحمي الي حد ما يصعب التجسس عليه فمنطقي انا مش هروح اشتري موقع بكام دولار والآخر استغله استغلال خاطئ فأنا ههتم بيه شوية فهي دي وجهه نظري بس طبعاً مش مستحيل لان فيه ناس فلوسها كتير 😂 وبترمي وبتستغل برضو فالأحسن تحفظ أسماء المواقع المشهورة 😊

ودا مثال علي الكلام اللي بقوله