ماهو Dark Web,Deep Web - الانترنت المظلم او العميق

حبيت اتكلم النهارده عن موضوع شيق وعالم غامض ومهم انك
تكون علي علم بيه للمعلومية فقط وليس الاستخدام وهو عالم ال DarkWeb / DeepWeb (الانترنت المظلم او العميق)

احنا كعامة الناس منعرفش الا ان الانترنت مكون من موقع او استضافة جوجل والمواقع اللي بداخله زي الفيس بوك والواتس وتويتر وبعض المواقع اللي الكل معتاد عليها في جوجل وفاكرين ان هو ده الانترنت كله لكن في الحقيقة كل دا ميجيش غير نسبة بسيطة من بحر الديب ويب او النت العميق.. 

لازم نفهم ان أسماء المواقع (اسماء النطاقات) دي زي مثلا موقع Facebook.com وغيره علي Google Search يعتبر اسم النطاق عاملينه عشان يسهلنا الدخول ليه لكن في الحقيقة ما خلف الرابط فهو مكون من IP كمثال 147.535.752.836 عشان متسجل في بحث Google كدا ومعاه الاسم فيس بوك فانت لو كتبت الاسم في جوجل هتحولك علي الاي بي ده ويسمي DNS (Domain name service) بس بيظهرلك فوق في ال URL الاسم ولو كتبت الاي بي برضو للموقع فهيحولك لاسم النطاق

والانترنت منقسم ل3 طبقات

(الطبقة الاولي) 

هو الانترنت السطحي اللي كلنا بتستخدم فيه المواقع المعروفة زي الفيس بوك وتويتر وغيره ده ممكن اي شخص يستخدمه

اما (الطبقة التانية)

 هي اللي بين السطح والعمق ودا مش يعتبر برضو مريب اوي وممكن توصل ليه عبر المتصفحات المختصة اللي بتأرشف المواقع دي ولكن مش هيكون متاح علي محرك بحث Google أو متصفحات زي المعروفة Google Chrome وفي الطبقة دي بيتم فيه استخدام اسماء نطاقات يصعب حفظه وغير متاح في أرشفة جوجل لو بحثت عنه أو كتبته في ال URL مش هيفتح وبيستخدم فيه كل شئ ممنوع وغير ممنوع ولان من خلاله بيتم استخدام متصفحات مخصصة لتخفي من خلال المواقع دي.

و(الطبقة الثالثة) 

واللي هنتكلم عليها اكتر والاكتر عمق وظلام واثارة واللي اسمها (Dark Wep) وليه اتسمي كدا هو نفس الطبقة الثانية من حيث المواقع ولكن هنا الفرف مش اي حد يقدر يتصفحه وعشان مش اي حد بيقدر يوصل للعناوين او اسماء النطاقات دي وعشان محركات البحث بتواجه صعوبه في ارشفتها او فهرستها وممكن نعرّف الإنترنت المظلم انه مجموعة من ارتباطات الشبكة اللي بتستعمل بروتوكولات غير (HTTP) ولكن هي موجودة على الشبكة العنكبوتية اللي بنستخدمها بس اتأسست بطريقة سرية بين أطراف موثوقة بين بعضها وسعات بيستعمل النوع ده لغرض (peer-to-peer file sharing) (تشارك الملفات شخص إلى شخص او الند للند ) أو بين نظيرين اللي دارس شبكات هيفهم السطر ده .. والطبقة دي ملهاش اي خواص من جوجل واتعملت عشان اولا التعامل السري من خلالها والتخفي بحيث مبيقدرش اي حد طرق تالت يحدد مكان الشخص اللي بيتصفحه وبيستخدموا في الطبقة دي التعاملات المالية المشفرة او العملات الإلكترونية زي الدولار الالكترونيUSDT أو عملة البيتكوين عشان يصعب تحديدها هي كمان وبتستخدمها بعض الحكومات للسرية التامة زي ال FBI والجيش الروسي وغيرها من الدول وبيستخدمها الهكرز او المدعون قراصنة الانترنت وبيستخدمها الخارجين عن القانون وفيه ناس بتستخدمها في الايجابيات عادي برضو 😁 يعني مش كله شمال هو الحاجة الرئيسية فيه عدم التتبع او الحماية طيب بيستخدموا الانترنت المظلم في ايه.. بيستخدموه في تبادل البيانات الهامة او السرية ومش عايزين حد تاني يتطلع علي البيانات وفي اللي بيستخدمها في تجارة الاسلحة والمخدرات وتجارة الاعضاء البشرية عفانا الله والحمد لله على نعمة الإسلام وفيه ادوات الاختراق او حجب الخدمة او اخترااق بيانات وتسريبها او صناعة فيروسات وفي القمار والدردشة وكتب وتسويق وفيه بحث وفيه نصب وفيه فساد او اساءة او كل ما تتخيله من الوحش والحلو زي برضو النت العادي بالظبط فيه الوحش والحلو بس التاني اخطر لان مفيش تتبع او تجسس من شركات الاتصالات او حتي الانتربول إلا بسيط ..
طيب عشان تتصفح المواقع دي بتعمل ايه زي ماقولت مينفعش تتصفحها عن طريق المتصفحات العادية زي جوجل كروم او فايرفوكس او اوبيرا او غيرها .. لا لازم عن طريق متصفحات خفية زي اشهرهم متصفح TOR Browser وعشان نتصفح المواقع اللي فيه.. احنا في الطبيعي بنستخدم بروتوكولات HTTP و HTTPS و www ولا استضافة. COM او. NET او. GOV لا بتستخدم بروتوكولات خاصة صعب تعقبها زي بروتوكول. ONION و. BIT

ملحوظة مهمة.. لا انصح اي مبتدئ في الانترنت او الحماية بان يتصفح اي موقع حتي لا يصيب جهازه ببعض ملفات التجسس او الاخترااق او سحب بيانات ليه لان المواقع غير آمنة او غير معروفة او مش عليها رقابة من اي حد اشخاص اللي بيصمموها ..
يفضل يكون عندك علم بمجال الحماية وبعدين تدخل ان كان عندك شغف وفيه برضو مواقع كتير مفيدة فيه وبنصحك تبعد عن النطاقات او المواقع المشبوهة :)