تعريف تطبيق كلوب هاوس - clubhouse app

كان فيه زمان اوي برنامج اسمه كامفروج البرنامج دا شبيه بنسبه كبيرة لبرنامج بالتوك

ايه هي استخدامات البرنامج ؟

كان بيستخدم علي الكمبيوتر وهو عبارة عن غرف محادثة صوتية البرنامج دا كنت بتقعد بالساعات عليه مش عايز تقوم وبتوصل لمرحلة الادمان .
.
من كام يوم بقي ظهر تطبيق علي نظام الIOS (Iphone) كل الناس بقت بتتكلم عنه وارتفع السهم بتاعه في البورصة لمليار دولار في أيام قليلة بعد ماكان مليون دولار بس وبعد مشاركة ايلون ماسك التطبيق في دردشة صوتيه زي ماكان عمل دعاية لبعض الخدمات والنتايج كانت مهولة التطبيق دا بقي اللي هو تطبيق كلوب هاوس ( clubhouse ) التطبيق دا نفس فكرة البرامج اللي ذكرتها فوق بس على الايفون بس يعني مش هتلاقيه علي ال Android ولازم كمان حد يبعتلك دعوة عشان تقدر تستخدمه وكل شخص ليه ليميت معين يدعي الناس بيه وطبعا دي كانت حركة ذكية جدا في التسويق والتشويق
طبعا انت هتوصل لمرحلة انك تدور على اي حد ممكن يبعتلك دعوة لا وممكن تتحايل كمان على حد وبتوصل كمان انك بتشتري الدعوة بمبلغ كبير .

مييزات التطبيق ..!

1- بيخليك لما تدخل التطبيق تهتم بيه فعلاً وتدمنه.
2- بيجيبلك اقتراحات لايفينتات في نفس مجالك.
3- هتلاقي المشاهير والعلماء والوزارات بتعمل مؤتمرات فيه.
4- التطبيق ميزته انه بيشارك الصوت بس بدون صورة لايف.
5- لما تدخل ايفنت مش هتعرف تعمله Save وتركنه عالرف عشان كدا هتتزنق وتضطر تفضل فاتحه وتستفيد لحد مايخلص مش زي المليون بوست اللي انت حافظهم في الفيس بوك لوقت لاحق وعمرك مانت راجعلهم.
6- التطبيق لسه جديد والمنافسة شرسة عليه من تويتر وفيس بوك وغيرهم بانهم ينزلوا تطبيق نفس الفكره عشان كدا التطوير عالتطبيق دا لسه جاية بشكل كبير .