بعض الناس بتسأل وعايزة تعرف ازاي بتظهرلها الاعلانات في اليوتيوب أو جوجل واحياناً اعلان ملوش علاقة بمحتوي الفيديو!! دا بيكون علي حسب اهتمامات كل شخص بيتفرج عالفيديو وعلي حسب المعلن نفسه يعني انا كمعلن علي يوتيوب (Google Ads) بختار القنوات او الفيديوهات اللي يظهر اعلاني عندها فاكيد مثلاً مش هعمل عن اغنية واروح اعرضها علي قنوات قرآن لا بختار استهداف صح واختار قنوات وفيديوهات الاغاني غير ان اليوتيوب من نفسه بيجيب لكل واحد اهتماماته اللي بيسجلها المتصفح بتاعك زي الHistory الخ يعني لو بيبحث عن دين كتير او قرآن هيجيله نفس الاهتمام ولو بيبحث عن اغاني كتير هيجيله نفس الاهتمام ودا بيكون من صالح المعلن طبعاً عشان نسبة التفاعل بتكون اكبر علي حسب اهتمام الزائر

ولكن فيه حالة نادرة ومشكلة صغيرة انك بتلاقي اعلانات غير محتوي الفيديو اللي بتتفرج عليه السبب دا لان فيه ناس لسه بادئة في شغل الاعلانات مبتعرفش هي بتستهدف Keywords (كلمات مفتاحية) ايه فبيختار اي حاجة فدا بيؤدي ان يظهر اعلانه لفيديوهات غلط فبيخسر فلوسه اللي دفعها ومش هيلاقي المهتميين وفيه في نفس الوقت الشركات كبيرة بتستهدف كل الفئات عشان تعمل توعية لعلامتها التجارية بشكل اكبر فهم دول الحالتين اللي بيظهرلك فيهم اعلانات غير نفس المحتوي